Marc Pingris, masaya sa pagbabalik ni June Mar Fajardo sa Gilas

By Shane Tanayer

Super happy si Marc Pingris sa muling pagbabalik ni June Mar Fajardo sa Gilas matapos magpahinga dahil sa natamo niyang injury kamakailan.

Ang dalawa ay magkasamang lumahok sa 2013 FIBA Asia Championship and 2014 FIBA World Cup. Sa pagbabalik ni Fajardo, walang mas masaya pa kundi ang kanyang matalik na kaibigan na si Pingris. “Masaya ako na bumalik na ‘yung DOTA buddy ko, at least hindi na ako malulungkot sa kuwarto ko’t may kasama na ulit akong maglalaro ng DOTA,” biro ni Pingris. Pero mas masaya si Pingris dahil magaling na ulit ang kanyang gaming partner at nagagalak siyang muling makabalik ito at makakapaglaro sa hardcourt. Tiwala silang malaking tulong ang pagbabalik ni Fajardo sa Gilas para mas magkaroon sila ng chance na mapabilang sa wildcard qualifiers matapos magtamo ang team ng silver medal sa nakaraang FIBA Asia Championship.