VICE GANDA, si SARAH ang gustong makasama sa kanyang next movie

Ni Lourdes Fabian

​​HALOS nakasama na ng Phenomenal and Unkaboggable Box Office Star Vice Ganda ang mga sikat na loveteam natin sa showbiz tulad nina Kathryn Bernardo at Daniel Padilla, Nadine Lustre at James Reid kaya dapat lang na mas bongga ang susunod niyang makakasama sa movie especially after the box office hit na Super Parental Guardians.

Alam ni Vice kung gaano ka-hectic na naman ang schedule ng Pop Star Diva Sarah Geronimo kaya naman hindi na siya nagpatumpik-tumpik pa nang kausapin siya ng Viva. Walang kaabog-abog na si Sarah Geronimo ang ni-request niyang makasama sa kanyang susunod na pelikula. Hindi naman siya napahindian ni Boss Vic Del Rosario pero wala siyang choice kundi hintayin si Sarah na matapos ang ginagawang movie with John Lloyd Cruz na idinidirek ni Ted Boborol under Star Cinema. 
Pero hindi lang naman si Sarah ang gusto niyang makatrabaho dahil very open si Vice sa pagsasabing gusto niya ring makasama si Lloydie sa pelikula. Ganyan talaga sa showbiz, para ring nagri-rigodon ang mga artista. Papalit-palit lang ng ka-partner.