Star Magic Ball incident with Ellen Adarna, hindi na isyu kay Ejay Falcon

By Glen Sibonga

​Masayang-masaya si Ejay Falcon dahil sa consistent na mataas na ratings na nakukuha ng ABS-CBN primetime teleseryeng Pasion de Amor, kung saan isa siya sa mga bida kasama sina Jake Cuenca, Joseph Marco, Arci Munoz, Ellen Adarna, at Coleen Garcia. Kaya nagpapasalamat siya sa loyal viewers at supporters ng kanilang teleserye.

"Maraming salamat sa lahat ng mga sumusuporta sa Pasion de Amor. Yung Book 1 sinuportahan nila, sigurado yung Book 2 mas maganda. And maraming- maraming salamat kasi kung hindi dahil sa kanila wala kaming Book 2. Magtatagal pa kami, aabutin pa kami next year." sabi ni Ejay.
Mas uminit at napag-usapan ba ang show nila dahil sa mga isyung lumabas lalo na tungkol sa kanila ni Ellen? "Sa mga isyung pinalaki n'yo?" biro ni Ejay.
Pero nakatulong din ba ito in a away? "Oo, sa tingin ko naman talaga. Kasi lahat naman nakakatulong e, pinaguusapan siyempre. Ang importante doon may mga nalinis kaming mga isyu, di ba? Naging malinaw na lahat sa amin, naging klaro na sa amin."
​Ano ang naitulong nito sa kanila ni Ellen? “Na makapag-usap kami, maging open kami sa isa’t isa. Kailangan talaga naming pag-usapan kasi syempre kailangan naming ayusin yung working relationship naming, kasi para sa chemistry naming at para mapadali ang trabaho.”
So, hindi totoong hindi sila nagpapansinan? “Ay, hindi totoo yun. Paanong hindi niya ako papansinin, e lahat ng mga eksena sweet sweetan, parang ang hirap naman kung hindi kami nagpapansinan. Sobrang okay kami kahit off-cam kasi nga nakapag-usap na kami.”
Hindi na ba niya itutuloy? "Marami na kaming bagay na napag-usapan and nasagot ko na lahat iyan. Magkaibigan kami ngayon. At sana after ng show na ito, makatrabaho ko pa siya at maging mas magkaibigan pa rin kami. Yung friendship hindi talaga mawawala kasi iyon ang importante sa amin."

Hindi na ba niya itutuloy? "Marami na kaming bagay na napag-usapan and nasagot ko na lahat iyan. Magkaibigan kami ngayon. At sana after ng show na ito, makatrabaho ko pa siya at maging mas magkaibigan pa rin kami. Yung friendship hindi talaga mawawala kasi iyon ang importante sa amin."
Samantala, sa kabila ng mga intriga at kontrobersiyang kinasangkutan niya ngayong 2015, feeling blessed pa rin si Ejay dahil sa magandang takbo ng kanyang career  Pero ngayong last quarter ng taon, paano niya ilalarawan ang 2015 niya? "Sobra siyang colorful. Talagang makulay kasi minsan masaya, minsan malungkot, iba't ibang emotion yung nararamdaman ko ngayong 2015. Pero ang importante kasi matatapos yung taon na masaya ako. May teleserye ako, may bagong endorsement, tapos magagawa ko yung ginagawa kong paliga ng basketball doon sa amin sa Mindoro. Gusto kong matapos yung taon ko nang masaya para pagpasok ng 2016 masaya pa rin ako."
Ang tinutukoy ni Ejay na bagong endorsement niya ay ang New Placenta For Men, ang herbal soap na gawa ng Psalmstre Enterprises Inc. Kung tutuusin ang pagiging celebrity endorser niya ng New Placenta ay maituturing na homecoming para kay Ejay dahil una na siyang naging endorser ng Olive- C soap, isa pa sa mga produkto ng Psalmstre, noong 2008 matapos siyang itanghal bilang Teen Big Winner sa Pinoy Big Brother Teen Edition Plus. Ipinakilala nga si Ejay bilang New Placenta for Men endorser sa presscon ang CEO ng Psalmstre na si Jim Acosta at ang endorser ng New Placenya na si Miss Earth Air 2012 Stephany Stefanowitz.
"I'm so happy na nakauwi na muli ako sa aking itinuturing na tahanan bilang endorser. Noong teen pa ako kinuha na ako ni Sir Jim para sa Olive- C. This time I'm endorsing New Placenta For Men dahil sabi ni Sir Jim mama na raw ako." biro ni Ejay.
"Maraming salamat sa Psalmstre, kay Sir Jim, sa pagkuha ulit sa akin bilang endorser. Sisikapin ko pong maging visible sa mga event ng New Placenta kahit na busy ang schedule sa taping."