SHARON CUNETA, BALIK CONCERT SCENE

​MAY ilang singing competitions on tv kunsaan naging hurado si Sharon Cuneta. No doubt she's an icon in the music industry. Ngayong tapos na ang "The Voice Kids," handa na siyang bumalik sa concert scene. May dahilan pala ang pursigidong pagpapapayat ni Sharon dahil nakaplano na pala ang concert niya. Sinong maysabi na hanggang sa paghuhurado na lang si Mega sa mga singing competitions sa telebisyon?

True to her words, lalo na sa kanyang mga avid supporters, ipagpapatuloy ni Mega ang pagkanta. Since she started recording a theme song para sa isang teleserye, ginanahan na si Shawie at nagtodo sa pagpapayat niya.
Babalik siya sa center stage, with a two-night show sa The Theater ng Solaire Resort and Casino, October 15 at 22, simply titled 'Sharon’. Ang magiging musical director niya ay si Louie Ocampo at si Paolo Valenciano ang kanyang concert director. 
Kasunod ng concert ni Mega ay ang paggawa niya ng isang record album at posible rin ang pagbabalik pelikula niya.
Ni Favatinni San

---