Robin Padilla may payo kay Kylie sa pagbubuntis nito

Ni John Fontanilla

​Matagal na palang alam ni Robin Padilla na engaged na ang kanyang anak na si Kylie Padilla kay Aljur Abrenica, dahil matagal na rin pala itong nasabi ng actress sa kanyang ama.
Kuwento nga ni Kylie, "Alam niya na engaged na ako, tapos sabi niya, ‘okey anak, kailangang ihanda mo ang sarili mo sa buhay may asawa kasi hindi siya biro’, ganyan ganyan. ‘Wag mo gayahin yung nangyari sa amin’, yun sinasabi niya.

"Tapos sabi ko, ‘Opo’, tapos nagkaroon ng moment of silence, tapos sabi ko pa, ‘May sasabihin pa po ako sa yo’, 
"Tapos sabi niya, ‘Ano yun anak? Buntis ka no?’, tapos tumawa nang malakas. Sabi ko, ‘Ang galing mo dun’. Tapos pinakita ko na yung picture.
"Tinawag niyang apo agad, sabi niya ‘Alagaan mo yung apo ko ha’, tapos pinitsuran niya. And I think that is one of the happiest moment when this journey started. Oh my gosh, tinawag niyang apo, kinikilig ako ha ha ha!" pagtatapos ni Kylie.