Richard Gutierrez, magiging Kapamilya na?

Ni Veronica Samio

​​Marami na ang nasasabik na mapanood muli sa TV screen si Richard Gutierrez. Matapos siyang gumanap sa Ang Panday ng TV5 ay nawala siya, ni guesting ay wala siyang ginagawa. 

Nanghihinayang naman ang mga followers niya dahil bukod sa nakakaarte siya ay isa rin siyang magaling na host. Sayang at ipinagkakatiwala na niya ang pagiging host sa kakambal niyang si Raymond.
Balitang may negosasyon nang ginagawa ang kampo niya sa mga taga-ABS CBN. Kaya huwag kayong magtaka kung sa susunod niyo siyang mapanood ay sa mga programa na ng Kapamilya Network.