PAULO AVELINO, inaming nag-uusap na ulit sila ni KC

By Lourdes Fabian

HINDI naman itinatanggi ni Paulo Avelino na open na muli ang komunikasyon nila ng ex-girlfriend na si KC Concepcion kaya hindi raw malayong makita silang magkasamang lumabas muli kapag nakabalik na ang dalaga mula sa Amerika.

Naging matipid si Paulo sa pagsagot sa tanong kung nagkabalikan na ba sila ng dating kasintahan pero inamin niyang nagkita nga sila ng aktres sa London nang ganapin ang ASAP doon noong September.
Hindi raw sila nagkabalikan pero ang maganda ay nag-uusap na ulit sila ni KC.
“Now we’re communicating and we're friends. We have this connection na andun lagi na hindi siguro mawawala,” sagot ni Paulo tungkol sa status ng kanilang relasyon.