Nora, ayaw magpa-star sa GMA

By Veronica Samio

​Kung gusto niyang umastang reyna sa Kapuso Network na kung saan ay marami na siyang ginagawang trabaho ay pupwede naman.

​After all, Nora Aunor siya na kinikilala ang husay sa kanyang trabaho hindi lamang dito sa bansa kundi sa maraming panig ng mundo. Pero, ayaw ni Nora ang magpa-star at mabigyan ng kakaibang treatment o pagpapahalaga hindi lamang ng network kundi maging ng kapwa niya artista. Kaya sa pagtatrabaho niya sa Little Nanay, isang bagong serye ng GMA na kung saan ay kasama siya pero hindi maituturing na pinaka-bida, hiniling niya sa mga kasamahan niya sa trabaho, artista man o myembro ng produksyon na tratuhin siya ng katulad ng pagtrato nila sa lahat. Sa ginagawa niya, lalo lamang silang nai-star struck sa kanya.