Nakatulong ba si Liza Soberano para bitawan ni Angel Locsin ang Darna?

By Veronica Samio

​Isang mangiyak-ngiyak na Angel Locsin ang namalas ng mga manonood ng TV kamakailan. Ikinalungkot niyang labis ang pasya niya na huwag nang gawin ang Darna na kalilipat lamang niya ng ABS CBN noon mula sa GMA ay inalok na sa kanya at tinanggap naman niya in principle.

​Matatandaan na sa iniwan niyang istasyon ay gumawa na rin siya ng serye tungkol sa babaeng nakakalipad ng dahil sa kapangyarihan ng isang bato pero, gusto pa niyang ulitin para sa ABS CBN. Katunayan, sa loob ng isang taon at kalahati ay pinaghandaan niya ang nasabing serye, yun pala ay hindi naman niya magagawa. Nagkaproblema siya sa kanyang spine na nakuha niya nang mahulog sa pelikula nila ni Piolo Pascual. Nung una ay hindi niya ito iniinda dahil hindi naman na-kakagulo sa kanya. Pero, nang lumaon ay naging madalas na ang pananakit at umabot pa siya sa puntong hindi na siya makatayo at gumagapang na. Nakadagdag pa sa paglala ng kanyang sitwasyon ang paglihim niya ng kanyang kondisyon sa kanyang pamilya, lalo na sa bulag niyang ama. Pero sa paglabas nga ni Angel sa TV ay tiyak nalaman na rin nila.

---

​Bakas sa mukha ni Angel ang lungkot dahil gusting gusto niyang gawin ang serye na bago pa ang rebelasyon niya ng kanyang karamdaman ay naibalita nang ipagagawa kay Liza Soberano. Nalaman kaya ito ni Angel kaya nagpasya siyang pabayaan na lamang ang Darna at ibigay sa isang mas nakakabata at walang diperensyang artista?