Maine Mendoza tumanggap ng pinakamalakas na tilian sa naganap na Walk of Fame Philippines

By John Fontanilla

Grabeng tilian ang natanggap ng phenomenal star na si Maine 'Yaya Dub' Mendoza sa katatapos na Walk of Fame Philippines na ginanap last Dec 1, 2015 sa Eastwood, Libis kung saan isa si Maine sa binigyan ng star ng nag iisang Master Showman na si German Moreno.

Libo libong Aldub fans ang nag abang kay Maine at sa JoWaPao na kinabibilangan nina Jose Manalo, Wally Bayola, at Paolo Ballesteros. Kasama sa pinarangalan si Alden Richards pero di nakadalo dahil sa karamdaman.

Bukod kay Maine at sa JoWaPao ay nabigyan din ng kani-kanilang star sa Walk of Fame Philippines sina Alice Dixson, Rocco Nacino, Enrique Gil, Eula Valdez, Julie Anne San Jose, Sunshine Dizon, Jake Vargas, Sam Concepcion, Dindi Gallardo, Randy Santiago, Buboy Villar, Kara David, Gerphil Flores, The Company, at si Harlene Bautista na siyang nagrepresenta sa kanyang ama na si Butch Bautista.
Ang iba pang mga inductees na sina Camille Prats at Mark Bautista ay hindi nakadalo sa pagtitipon.
                 

---