​Magpakailanman episode ni Andrea Torres, tinalo ang kalabang programa!

By Noel Asinas

FEELING heaven si Andrea Torres nang nakausap namin sa set ng Bubble Gang kamakailan.  Bunga ito ng pagiging no.1 ng Magpakailanman noong Sabado nang ipinalabas ang episode kunsaan bida siya na may titulong Asawa Kong Aswang. Kapartner niya ay si Benjamin Alves.

Ayon kay Andrea, sa report ng ratings ng NUTAM, nakakuha ng 15.1 percent ang Magpakailanman laban sa programa ng kalabang network na may drama anthology din, na naka- 10.8 percent.
Feeling ni Andrea ay sulit ang hirap na ginawa niya sa taping bilang aswang. Sariling anak niya ay kinain niya. Pero, bandang huli’y nalaman na siya’y isang baliw lang, at dahil sa kabaliwan, tumalon siya at namatay din.
Samantala, natuwa naman si Andrea sa pag-cover niya sa FHM December 2014 issue. Nagkaroon ng second printing ang magazine dahil sobrang dami ng bumili ng copies.  Bukod pa dito ay may coffee table book din siya na mabibili na rin ngayon.
Inaabangan na rin ni Andrea ang  susunod niyang soap opera sa GMA 7.