LUIS MANZANO AT ANGEL LOCSIN IN GOOD TERMS NA MULI

​​Inamin ni Luis Manzano na in good terms na muli sila ngayon ni Angel Locsin pero hindi bilang lovers kundi bilang magkasama sa Pinoy Got Talent ng Dos.
Ayon kay Luis kung noon na mainit pa ang issue ng kanilang break up ay hindi maiwasang mailang sila sa isa’t isa, ngayon daw ay normal na ang friendship nila ng dating kasintahan na kung saan ay civil silang nakakapag usap kaugnay ng kanilang programang PGT.

Sinabi ni Luis na masaya na sila ni Angel sa pinili nilang desisyon na maging magkaibigan na lang at walang nakikitang dahilan ang actor para masira ang friendship na iyon. “Pareho na kaming masaya,” ayon pa sa actor.
Samantala, inamin ni Luis na nag atubili siyang tumakbong mayor ng Lipa City nitong nakaraang election dahil feeling niya ay hindi pa siya handa pero sa susunod na election ay malaki daw ang posibilidad na mapagbigyan na niya ang mga taong naniniwala sa kanyang kakayahan particular na ang mga taga Lipa City.
Samantala mariing itinanggi ni Luis ang balitang may lihim silang relasyon ni Alex Gonzaga. Totoo daw na super close sila ni Alex pero iyon ay dahil pareho silang may sayad at baliw pero hindi raw ibig sabihin noon ay nagliligawan na sila.
Pero teka at isa pang teka, sino kaya itong youngstar na very close kay ate Vi na noong mga panahon ng kampanya ay umakyat sa entablado na kung saan ay nangangampanya ang Star For All Season pero hindi man lang inindorso si ate Vi dahil ang katwiran ay pinagbawalan daw siya ng kanyang mother studio?
Clue, nakasama siya ni ate Vi sa isang proyekto sa Dos.
Hahahahahaha, kaloka!
Ni Morly Alinio