KRIS AQUINO, BINUWELTAHAN ANG MGA BASHERS OVER 'SUNBURN' ISSUE

By Mylene Santos

Marami ang hindi natuwa nang mag-post ang presidential sister na si Kris Aquino ng litrato na kuha after niyang mag-host ng spouses lunch sa kasagsagan ng APEC summit. 

Ipinakita ni Kris ang sunburn na natamo niya dahil sa kainitan ng sikat ng araw noong Nobyembre 19 sa Fort Santiago. Sa caption, pabirong sinabi ni Kris na 'quits' na sila ng mga commuters na nahirapan sa ilang oras na paglalakad dahil sarado ang mga daan para na rin sa summit.
Mabibigat ang mga salita ng mga bashers na pumuna kay Kris at sinabihan itong 'insensitive', 'careless', 'maarte' at marami pang iba. Hindi daw dapat ikumpara ni Kris ang natamong sunburn sa hirap na dinanas ng mga commuters para lamang kumita ng maliit na halaga sa pagpasok sa trabaho. Bagama't 'biro' lamang daw ang post ni Kris, ay hindi naiwasang umani ito ng mga negatibong reaksyon.
Pero sa mga sumunod na IG posts ni Kris, minarapat niyang panindigan ang nauna niyang nai-post. Sinabi ni Kris na marami na

siyang napagtagumpayang pagsubok sa buhay at nananatili siyang matatag. Dahil dito aniya ay patuloy pa rin siyang pinagtitiwalan ng mga produktong kanyang ini-endorso.
Part ng kanyang Instagram post ay ito: "But I remain 1 of our country's top taxpayers, I still endorse & represent so many top brands & institutions, I've donated & built homes, schools, and Churches, and I've given numerous educational assistance to students & seminarians."
"In other words, I'M GREAT AT SURVIVING, been doing it my whole life."