Ken Chan, hindi pinagdudahan ng gf kahit may transgender role sa Destiny Rose

By Veronica Samio

Kung wala siyang suporta mula sa girlfriend habang ginagawa ang seryeng Destiny Rose, baka maging si Ken Chan ay nagkaron na ng duda sa kanyang kasarian.

Paano ba naman hindi lamang siya pinagmukhang babae sa serye na bukod sa pinagbawas ng timbang ay talagang inahitan ng mga buhok sa katawan at mukha para magmukhang tunay na babae. Hindi rin lamang mga damit at sapatos at mga aksesorya ng babae na gagamitin niya ang nagbigay sa kanya ng feeling na isa siyang tunay na babae kundi maging ang damit panloob na ipinasuot sa kanya, na hindi briefs o jockey, kundi panty.
 
"Ako ang nag-request na mga female undergarments ang ipasuot sa akin para mabigyan ako ng feeling ng isang tunay na girl. Kung may kulang pa bahala na si direk at ang non-showbiz girlfriend ko na gumabay sa akin. 

So far, pareho silang bilib sa transformation  ko," pagmamalaki ng Kapuso actor na itinuturing ang Destiny Rose bilang pinaka-malaki niyang accomplishment as an actor.