Kahit maraming awards na ang ina...."ANDI, MAS MAGALING KESA KAY JACLYN!" - Direk Carlo J. Caparas

By Lourdes Fabian

NAWALA nang kung ilang taon sa pagpo-produce at pagdi-direk ang Mega Couple na sina Donna Villa at Carlo J. Caparas but now, balik sila sa dati nilang ginagawa at ang comeback directorial movie ni Direk ay ang "Angela Markado" starring Andi Eigenmann.

Ayon pa kay Direk, mas magaling daw umarte si Andi kesa sa kanyang nanay na si Jaclyn Jose. Nahawakan na rin kasi noong araw ni Direk Carlo si Jaclyn sa pelikulang "Bubbles Sanchez: Ativan Gang" kungsaan nanalong Best Actress si Jaclyn at pagkatapos nun ay tumanggap pa si Jaclyn ng ilan pang acting trophies.
Mahusay daw si Jaclyn, nasa puso ang akting pero si Andi ay iba. Kahit hindi mo siya nakitaan ng luha pero alam mong matindi ang kanyang arte, intense. Mata pa lang daw ni Andi ay umaarte na.
Very flattered siyempre si Andi sa kanyang mga narinig at nagbiro pa na binayaran daw niya si Direk Carlo upang sabihin ang mga bagay na iyon.
Ang sabi naman ni Andi, nakuha niya ang akting na may "puso" sa kanyang inang si Jaclyn at nakuha naman daw niya ang intense acting sa namayapa niyang amang si Mark Gil.
Sa December 2 na ang showing ng Angela Markado kungsaan isang rape victim ang role ni  Andi, na tinatuan pa bago halinhinang hinalay.
Kasama rito sina Epi Quizon, Polo Ravales, Paolo Contis, Bugoy Carino, Buboy Villar,  Mika dela Cruz at may special role rito si PAO Chief, Atty. Persida Acosta who plays herself.
Speaking of Atty. Persida Acosta, bago ginanap ang presscon for Angela Markado, ay ipinakilala muna niya ang tatlong ginang na biktima ng

 Laglag/Tanim Bala sa airport sa naturang venue. Tinutulungan ng PAO ang tatlo na makamit ang hustisya.
Maraming biktima ng injustice ang naipakilala na ni Atty. Acosta sa media at naniniwala si Atty. na kapag ang isang kaso ay natutukan ng media, mas mabilis na makakamtan ng biktima ang hustisya.