Julie Anne San Jose, tatlo ang ipagdiriwang ngayong Mayo!

Ni Noel Asinas

​Bukod sa ika-22nd birthday ni Julie Anne San Jose, ay ipagdiriwang din niya ang ika-10 taon sa showbiz kaya excited na ang Kapuso star sa pagdating ng Mayo. Minsan nang naibahagi ng Kapuso star ang kanyang mga priorities ngayon at isa na doon ay ang makatapos ng pag-aaral. 

Dahil sa pagsisikap niya ay napagsabay niya ang showbiz at ang pag-aaral kaya ngayong Mayo rin ay ise-celebrate niya ang kanyang graduation. Isa si Julie Anne sa mga artistang hindi nagpapabaya sa edukasyon kaya naman bilib na bilib talaga sa kanya ang mga fans. Ngayong taon din ay nakatakdang ilabas ang kanyang bagong album.