Hindi insecure ang isang Nora Aunor para sumuporta sa mga mas nakakabatang artista

By Veronica Samio

Parang dumaan lamang sa isang tenga at lumabas sa kabila ang mga negatibong komento ng marami sa ginawang pagtanggap ni Nora Aunor ng kanyang role sa bagong serye ng GMA na Little Nanay. 

Ang child star kasi na si Chlaui Malayao ang gumaganap ng title role at ang nanay niya sa serye na ginagampanan naman  ni Kris Bernal ang tinatayang mas bida sa serye. Lola lang nila ang Superstar. Nanghihinayang ang maraming TV viewers at Noranians dahil sa estado ni Nora at dahil first series niya ito sa Kapuso Network, eh bakit hindi pa raw siya nagdemand ng mas malaking role?
 
Oo nga naman pero, hindi ganun ang takbo ng pagiisip ng isa sa pinaka-mahusay na artistang Pilipino. Walang maliit na role para sa kanya, bawat role ay mahalaga. Ang kailangan lamang ay ibigay ng artista ang lahat niyang makakaya para ito mapaganda. Tama din naman siya.