Eat Bulaga, hindi nagkamali sa pagkuha kay Maine Mendoza bilang si Yaya Dub

By Cielo Dizon

​Nagsimula sa biruan sa Juan For All, All for Juan sa portion ng Eat Bulaga, ngayon kinababaliwan na ng buong Pilipinas ang tambalang Aldub. 

Kaya naman marami ang nagsasabi na hindi nagkamali ang Eat Bulaga na kunin si Maine Mendoza aka Yaya Dub na ilagay sa nasabing segment. Ngayon ay may sarili na itong portion sa Juan for All, ang Kalyeserye na kauna unahan sa history ng noontime show sa telebisyon. Ayon sa mga fans ni Yaya Dub, malaki daw ang naitulong ni Maine sa Eat Bulaga dahil sa kanyang biglang pagsikat. Pati na raw sa career ni Alden Richards na palubog na. Weh! May ganun? Sikat naman si Alden kaso nga lang hindi siya pansinin noon kumpara mo ngayon.

At take note ha, isang Yaya Dub lang pala ang magpapataob sa It’s Showtime pati na sa bahag at buntot ni Vice Ganda. Ngayon kaliwa’t kanan na ang commercials ng dalawa na tanda lang na hindi mapigilan ang pagsikat ng Aldub. Di nga ba’t napatunayan na, na ang Aldub ang no. 1 loveteam ngayon sa bansa lalo na nang mapuno nila ang biggest indoor arena sa buong mundo, ang Philippine Arena.
​

---