DINGDONG-MARIAN, very excited na sa pagdating ng kanilang baby girl

HANDANG-handa na ang showbiz royal couple na sina Marian Rivera at Dingdong Dantes sa pagdating ng kanilang panganay, kung saan very excited nilang inanunsyo ang ipapangalan dito. Isang magarbong baby shower ang idinaos noong Sabado (September 26) sa Marriott Hotel na dinaluhan ng ilang malalapit na kaibigan at kapamilya ng mag-asawa.

Sa ginanap na baby shower, ibinunyag ng mag-asawa na Maria Letizia ang pangalan ng kanilang baby girl.
"Yung lola ni Dong at saka yung kapatid ng papa ko, parehong Leticia kaya tugma talaga," katwiran ng misis ng 35-year-old actor.
Umapela si Marian sa mga bisita na ipagdasal siya sa panganganak na expected niya sa buwan ng Nobyembre.
December last year nang ganapin ang engrandeng pag-iisang dibdib nina DongYan kung saan bigatin ang mga bisita, entourage, at tumayong best man si Pangulong Aquino.

​Ni Lourdes Fabian