DANIEL PADILLA MAY SORPRESA SA INANG SI KARLA ESTRADA

​​Planstado na ang concert na gagawin ni Karla Estrada sa April 30 sa Kia Theater sa may Gateway na kung saan ay muling ipakikita ng aktres ang kahusayan niya sa pagkanta.
Ayon kay Karla noong una ay biruan lang ang lahat. Kuwento kuwentuhan lang kaya nagulat daw ang aktres nang biglang magkaroon ng offer sa kanya ang Cornerstone Entertainment.

“At first siyempre nag isip ako. Ano ba ito, joke? Kasi nga noong ako pa lang ang nasa showbiz wala namang ganitong offer pero ngayon meron na. Hahahahaha!”
At dahil biro biro lang noong una ay nag-call naman daw ang aktres. Laking gulat niya nang papirmahin na siya ng kontrata.
At dahil pangarap naman daw talaga ni Karla ang magkaroon ng concert (kahit hindi naman siya kasikatan) ay tinanggap daw niya ang offer nang agad agad. “Sige bahala na.”
Feeling ni Karla habang papalapit ang gabi ng kanyang concert ay nadadagdagan ang “daga” na nag uunahan sa kanyang dibdib. “First time ko kasing gagawin ito na ako mismo ang may concert.”
Kasi daw noong mga panahong abala pa siya sa movie industry madalas ay sa mga provincial shows lang siya nakakakanta at sa That’s Entertainment lang ni kuya Germs lumalabas ang kanyang talent.
Ang sabi ni Karla, nagkausap na sila ni Daniel Padilla na walang magiging partisipasyon ang actor sa concert ng ina. “Ang sabi niya sa akin gabi ko iyon at ayaw niyang makihati pa sa shine ko. Hahahahahaha!”
Pero nangako naman daw ang kanyang anak na kahit hindi ito mag pa-participate sa kanyang concert ay darating ang binata kasama ang ka-love team na si Kathryn Bernardo.
“Yun ang alam ni Karla, walang participation ni Daniel. Abangan na lang natin. Hahahahaha!” Sabi naman iyon ng isang girl na nakausap namin na may kinalaman sa Cornerstone Entertainment.
Kung ano ang gagawin ni Daniel sa concert ng inang si Karla…abangan!
Ni Morly Alinio