Dahil sa maselan na kalusugan... KRIS, DAPAT TUMIGIL NA SA PAG ARTE!

By Favatinni San

​MASYADONG maselan ang kalusugan ni Kris Aquino. Laging nagkakasakit, may allergy 
din dahil maselan ang kanyang kutis.

​Sa estado naman niya, bakit kailangan niyang maging subsob sa pag-aartista gayung madali siyang dapuan ng sakit? Hindi dapat siya ma-expose sa maduming kapaligiran. Pwede ba siya na hindi naka-aircon ang kuwarto, sasakyan at studio set? Kalaban din niya ang alikabok. Init at amoy ng kapaligiran. Ipinanganak siya na may gintong kutsara sa kanyang bibig. Dekada na rin ang itinagak niya sa showbiz at makulay ang kanyang buhay pag-ibig. Hanggang ngayon ay naghahanap pa rin siya ng Mr, Right. May Joshua at Bimby na siya pero malamig lagi ang bawat gabi niya. Kung ako ang adviser ni Krissy, sasabihin ko sa kanya na tumigil na siya sa pag-aartista. Tamang sa telebisyon na lang siya napapanood. Doon naman talaga siya magaling, bilang TV host. Labis din namin siyang pinupuri bilang ina, isa siyang caring and protective mother, numero uno siya sa pagiging isang ina.