Cristine Reyes, tinangging binastos si Vivian Velez

Ni Mildred Bacud

​Binasag na nga ni Cristine Reyes ang kanyang katahimikan tungkol sa naging alitan nila sa seryeng Tubig at Langis ng co-star na si Vivian Velez. Tinanggi niya ang paratang ng beteranang aktres tungkol sa pambabastos diumano nito sa kanya lalo na ang pagpapaalis sa kanya sa dressing room.

Hindi raw niya ito magagawa. Alam daw ng produksyon ang totoong isyu. Pansamantala lamang daw ang pananatili ni Vivian sa kanyang dressing room dahil ginagawa pa raw ang dressing room nito. Nung natapos na raw ito at pinababalik na siya ng staff sa sarili nitong dressing room ay minasama raw ito ng beteranang aktres. Inamin naman ni Cristine ang pag-awit niya ng awiting Goodbye ni Avril Lavigne pero wala naman daw itong ibig sabihin. Sey pa ng aktres hindi raw siya ang nagiging problema ng produksyon kundi si Ms. Vivian kaya naman daw talagang papatayin na ang karakter nito. 
Nauna naman nang nagbigay ng statement ang production team ng Tubig At Langis at sinabi nilang hindi nila naging problema si Cristine.