COCO-MAJA, BALIK TAMBALAN SA ‘ANG PROBINSYANO’

Apat na taon din ang hinintay nina Coco Martin at Maja Salvador bago ang kanilang pagbabalik-tambalan sa primetime teleseryeng handog ng ABS-CBN at Dreamscape Entertainment Television, ang Ang Probinsyano. Una silang nagkasama sa teleseryeng Nagsimula sa Puso noong 2009, sumunod noong 2011 sa Minsan Lang Kita Iibigin.

Kaya naman naging masaya ang muli nilang pagsasama sa Ang Probinsyano. Napansin din nila ang malaking pagbabago at maturity sa isa’t isa.
Sabi nga ni Maja, “Kasi from Nagsimula sa Puso, tapos Minsan Lang Kita Iibigin, yung first taping day ko parang nakatulala ako kay Coco. Parang si Coco ba ito? Parang ang daming ipinagbago, pero magandang pagbabago or panibagong Coco yung nakikita ko kasi kung sobrang grabe na yung passion na nakita ko noong Nagsimula sa Puso at Minsan Lang Kita Iibigin, dito habang nagte-taping kami ng Ang Probinsyano iba yung ibinibigay niya. At saka na-appreciate ko na sobrang concerned siya sa character ko, yung pagpasok ng character ko, pati yun inaalagaan niya. Tapos pati yung magiging atake namin dito dapat maging ibang-iba sa Nagsimula sa Puso at Minsan Lang Kita Iibigin. So, I’m very thankful na nabigyan ulit ako ng chance na makatrabaho siya. At nagpapasalamat ako sa Dreamscape dahil para rin po ito sa mga fans namin na talagang ang tagal nang hinintay na magbalik-tambalan kami.”
Ayon naman kay Coco, “Actually, sabi ko nga from the very start noon binubuo itong proyekto na ito, naisip na namin si Maja. Kaso nga lang may kasabay na soap opera, yung Bridges of Love. So, hinintay talaga namin siya. And then noong pagpasok niya, masaya kaming lahat kasi kilala na namin siya kung paano siya katrabaho, kung ano yung dedikasyon niya. Si Maja kasi pag pumasok iyan gagawin niya ang tama para doon sa character niya. Pagdating niya sa set napaka-professional. And then yung chemistry namin nandoon na kasi siguro ilang soap opera na rin yung nagawa namin.”

​Ni Glen Sibonga