Ciara Sotto, papansin na nga ba sa social media?

Ni Cecille Yutan

​Kamakailan nga ay nabunyag sa social media ang diumano’y dahilan ng paghihiwalay ng anak ni Tito Sotto na si Ciara Sotto sa asawa nitong si Jojo Oconer. Dahil siguro sa sobrang sama ng loob ni Ciara ay hindi na nito napigilan na magpatutsada sa social media.

Gigil na gigil si Ciara sa pagsasabing “God will never bless you with someone else’s husband,” at kulang na nga lang ay i-tag niya ang diumano’y kabit ng kanyang asawa.
Dahilan ito upang magbulung-bulungan ang mga netizens, sa dalas kasi ng pagpapatutsada ni Ciara ay nagmumukha na raw itong palengkera at cheap. Kabilang dito ang opinyong bakit nga ba hinahayaan ni Ciara na pag usapan ng publiko ang kanyang lovelife imbes na gawin na lamang itong private? Na kung tutuusin ay kanyang kasiraan din naman ang kanyang ibinubunyag. Oo at masakit nga naman ang ika’y kaliwain pero mas maganda pa rin daw ang magiging image niya kung siya ay mananahimik na lamang.