Barbie, di lang isa kundi apat ang kapareha sa bagong rom-com sa GMA 7

Ni Veronica Samio

​​Excited siguro ang grupong Triplets nina Sheryl Cruz, Manilyn Reynes at Tina Paner dahil magkakasama silang muli sa isang teleserye ng GMA na tatampukan ni Barbie Forteza at pinamagatang Meant To Be.
Mukhang nagiging paborito si Barbie ng network niya dahil may kinuhang apat na kabataang lalaki para maging love interest niya sa romcom, sina Ken Chan, Jak Roberto, Ivan Dorshner at Addy Raj.

Hindi lang si Barbie ang kinakailangang mag-effort sa serye kundi lalo na si Ken Chan dahil ayaw siyang bigyan ng chance ng mga naging tagasubaybay niya sa Destiny Rose na tuluyang makawala sa ginawa niyang role.