Angel Locsin, makakatambal si Coco Martin sa pelikula

​Hindi pa rin naman tuluyang malulungkot ang mga tagahanga at tagasubaybay ni Angel Locsin. 

​Nawala man ang role na Darna kay Angel dahil na rin sa natamo nitong problema sa spine, tuloy pa rin ang pagpapasaya ni Angel sa mga fans dahil ang susunod niyang pelikula ay makakatambal niya ang King of Primetime na si Coco Martin.
Matagal-tagal na rin palang inaawitan ni Angel ang ABS-CBN/Star Cinema ng isang pelikulang pag-sasamahan nila ni Coco. At heto’t nga at todo ang papasalamat ng aktres dahil magkakaroon na ng katuparan ang hiling niya. Malamang sa hindi, action-comedy-romance ang pelikulang Angel Locsin- Coco Martin. Hindi lang sa pelikula magbabalik si Angel kundi isang teleserye project sa Kapamilya. Wala pa mang malinaw na detalye pero excited na si Angel sa pagbabalik telebisyon. Hindi naman nagkulang si Angel sa pagsasabing grateful siya sa kanyang network sa patuloy na tiwalang ibinibigay sa kanya.