Andrea del Rosario, lalaban sa pagka- vice mayor ng Calatagan, Batangas

By Noel Asinas

Nang nag-cut ng ribbon si Andrea del Rosario sa pagbubukas ng bagong Cafe de Valentina owned by Lawrence T. Pajo, na isang La Salle law student, nasabi ni Andrea sa amin na finally ay papasok na siya sa politics sa 2016 bilang kandidato sa pagka-bise mayor ng Calatagan, Batangas.

Nahimok pumasok sa politics ang sikat na Viva Hotbabes turned actress, na huling napanood sa GMA 7 soap na Pari 'Koy, directed by Maryo J. delos Reyes, dahil naniniwala siyang may maitutulong siya sa kanyang mga kapwa taga-Calatagan. Matagal na siyang hinihimok na lumaban bilang konsehal. Naging busy siya sa soap opera ng GMA 7 kaya tumanggi siya noong 2013.
Kaibigan ni Andrea ang owner ng Cafe de Valentina na matatagpuan sa Taft Ave corner Faura sa Maynila.
Family friends ng mga Del Rosario sa Calatagan ang mga Pajo. Magkapit-bahay sila sa kanilang bayan. Weekends ay umuuwi si Lawrence sa Calatagan. Bukod sa coffee shop, may sariling brand ng coffee si Lawrence, ang Valentina Coffee, na mabibili sa mga supermarket. Mura lang ang coffee at drinks sa Cafe de Valentina. Affordable dahil ang pinakamasarap nilang Cafe na blend ng Aravica ay P65 lang.
Pagdating sa showbiz affairs, di tumatanggi si Andrea. Hilig niya ang pag-arte at mahilig siyang makihalubilo sa tao. Friends sila ni direk Maryo J kaya malaki ang influence ni direk Maryo sa pagiging acress ngayon ni Andrea.