​ANDI EIGENMANN MASAYA SA NON-SHOWBIZ BOYRIEND

By Morly Alinio

Sa presscon ng pelikulang Angela Markado ay nakausap namin si Andi Eigenman at mariin niyang inamin na totoong itinatanggi na niya ngayon na si Albie Casino ang ama ng kanyang anak.
Ayon kay Andi mas makabubuting huwag nang magamit pa siya sa mga issue ni Albie dahil naaawa na siya sa kanyang anak. At hindi na rin importante sa aktres ang ginagawang paghahamon ni Albie na ipa-DNA test si Elie dahil ang importante ay maraming nagmamahal sa 4-year old baby ni Andi.

Inamin ni Andi na mas makabubuting inako na ng bago niyang non-showbiz boyfriend ang pagmamahal at paglingap ng isang ama na maibibigay sa isang anak dahil hindi man perpektong tao ang bagong boyfriend ay nakakatiyak umano siyang mahal ng bf silang mag ina. "He is not in showbiz at masaya ako sa kanya," pag amin ng aktres na punong puno ng kasiyahan noong mga oras na iyon nang siya ay aming nakausap.
Sinabi ni Andi na mas magaan ang feeling niya ngayon dahil  nakakakilos siya nang maayos dahil hindi na masyadong maintriga ang kanyang lovelife na sa tagal tagal daw ng panahon ay nakakasawa na ring pag usapan. "As much as possible kung maaari ang gusto ko ay ako lang ang pag uusapan at hindi na dapat pang masangkot ang mga taong mahal ko na wala namang kinalaman sa showbiz."
Samantala, inamin ni Andi na masyado siyang nahirapan sa pelikulang Angela Markado dahil masyadong naging makatotohanan ang pagganap niya dito lalo na sa rape scene na kung saan ay sabay sabay siyang nilapastangan ng 

kanyang mga rapists na sina Paolo Contis, Polo Ravales, Epi Quizon, Felix Rocco at ang binatang anak nina Carlo J. Caparas at Donna Villa na si CJ Caparas.
Ayon kay Andi totoong nahirapan siya at nagkapasa pasa ang mga parte ng kanyang katawan pero hindi raw siya nagalit dahil ramdam naman daw niya na wala namang nag take advantage sa limang lalake. "Siyempre ako ang may katawan kaya alam ko kung may hahawak sa katawan ko na hindi kasama sa eksena at so far lahat naman sila ay mababait."
Inaasahan na ang Angela Markado ang maghahatid kay Andi ng best actress trophy dahil naging makatotohanan ang pagganap niya dito. Pero ang tanong, higitan kaya ni Andi ang popularidad at kinita noon ng Angela Markado na pinagbidahan ni Hilda Koronel?