ALYSSA GUSTONG MAKA-DUET ANG KANYANG CRUSH NA SI JAMES REID

By Timmy Basil

Nanghihinayang ako dahil hindi nakahabol sa 7th PMPC Star Awards for Music ang album ni Alyssa Angeles, hindi kasi siya pasok sa cut off dahil kalo-launch pa lang ng album ni Alyssa Angeles entitled "Falling In Love". 

Humanga kasi ako sa album ni Alyssa dahil 12 songs ang laman nito, 1 lang ang revival at 11 ang original songs. Samantalang ang ibang recording artist, panay revival songs na lang ang nire-record.
Ginanap ang album launch ni Alyssa sa Teatrino noong November 11 at sa totoo lang, may potential na maging isang sikat na singer/recording artist itong si Alyssa.
Sa College of St. Benilde lang naman siya nag-aaral, the same school kungsaan nanggaling si Maine Mendoza.
Gustung-gusto ko ang  kanyang carrier song, ang DYK (Did You Know), Unusual As Usual at ang revival niya ng awiting "Ikaw Lang Ang Mamahalin" na original song ni Joey Albert na personal choice ng kanyang mommy.

Maganda at very fresh si Alyssa kaya natanong siya kung may balak din ba siyang pasukin ang pag-arte at ang sabi niya, may experience na raw siya sa pag-arte,  nakasama na siya sa ilang indie films, at nakasama pa siya sa Enteng Kabisote, nag-guest na rin siya sa maraming tv shows.
Idol niya sina Sarah Geronimo at Ariana Grande.
No boyfriend since birth ang drama ni Alyssa pero inamin niyang crush na crush niya si  James Reid at gusto niya itong maka-duet.
Ang kanyang mother na si Mommy Cecile ang tumatayong manager ni Alyssa, "Falling In Love" ang title ng kanyang album under Synergy at mabibili na ito sa mga record stores.
Bukod sa 3 paborito ko,  kasama rin sa album ni Alyssa ang Stand Up, This Feeling, Paano Ba Umibig, Lilim, Sabihin Mo Na Kaya, Wala Akong Magawa, Still Crazy , Fireflies at Crush Me.
​