Albie Casino, lumelebel na sa pagiging bida

Kung ipagpapatuloy ni Albie Casino ang maganda  niyang performance sa On The Wings Of Love ay makakaasa siya na mas malalaki pang role ang ibibigay sa kanya ng Kapamilya Network. ​

---

Kahit kontrabida ang role niya sa nasabing serye ay okay sa mga manonood na nakakaintindi na ngayon  kung papaano paghiwalayin ang totoo sa  hindi sa mga roles na ginagampanan ng artista. Kung naging kontrabida man siya nun kay Andi Eigenmann nang tanggihan niya ang ipinaaangkin  sa kanyang bata bilang anak, nagawa pa rin ng aktor na magkaroon ng bago at magandang imahe.
​
Ikinalulungkot ng batang aktor na ipinalalagay siyang mayabang ng mga nakakikilala sa kanya pero, sinabi niyang hindi pagyayabang ang pagiging confident  niya. Sinabi niyang friendly din siya at hindi apektado ng maling pagkakilala sa kanya. Gusto lang niya ay maipagpatuloy ang trabaho at kasabay nito ay matapos ang pagaaral niya. Sino ang hindi hahanga sa kanya? Bata pa sa gulanga na 22 pero, matigas na ang paninindigan niya.
 
 
                        

---