MAJA SALVADOR-GERALD ANDERSON, nagkabati na

Ni Lourdes Fabian

FIRST TIME muling nagkaharap ang dating magkasintahang sina Gerald Anderson at  Maja Salvador matapos ang kanilang kontrobersiyal na break-up. Nagkita ang dalawa sa Star Magic Ball although hindi naman sila ang magka-date.

Ayon sa kuwento ni Maja,  unang lumapit sa kaniya ang pamangkin ni Gerald na si Lyra na siyang date ng aktor ng gabing iyon dahil gusto raw kasi nitong makakita ng maraming artista. Sinundan ni Gerald ang pamangkin kaya nagkaharap din sila ng dating kasintahan. Nakaramdam ng kaligayahan at pagkapanatag si Maja na okay na muli ang lahat sa pagitan nila ng ex-boyfriend. Aminado naman ang aktres na talagang dinamdam niya nang husto ang hiwalayan nila ni Gerald.