MAINE MENDOZA, STAR NA STAR SA WALK OF FAME

By Favatinni San

ISA sa mga awardee ng 10th Walk of Fame si Maine Mendoza (aka Yaya Dub). Kahit wala si Alden Richards (may sakit siya) kitang kita ang popularidad ni Maine. Kaya pala dagsa ang endorsements niya ay dahil down to earth siya.

Naasiwa nga siya sa dami ng security men sa paligid niya. Malaki ang naitulong ng Eat Bulaga's Kalyeserye sa kanyang career. Naku, nang dumating na ang grupo ng Eat Bulaga, pagpasok pa lang ng cast ng Kalyeserye ay di na magkamayaw ang mga tao. Sikat ang tatlong Da Explorer lolas at si Maine Mendoza.  Maging sa mesa na kinauupuan ng apat (Maine, Wally, Jose, at Paolo), walang tigil ang pagpapakuha ng litrato sa kanila.
Indeed, nagmarka sa mga kababayan natin ang naibigay na kasiyahan ng Kalyerserye kaya naman labis ang pasasalamat ni Maine. At nang siya nga ay magsalita on stage, lalo pang lumakas ang sigawan. 
Maraming naroroon ang aming tinanong  kung bakit gustung gusto nila ang EB's Kalyeserye. Iisa ang kanilang tinuran, sobrang napapaligaya sila na parang isang real life situation ang dating. Kung ano man ang mangyari sa closeness nina Alden at Maine e, masasabi natin na ang tamang panahon lang ang pwedeng magsabi.