Luis Manzano, IPINAGTANGGOL si John Lloyd

Ni Glen Sibonga

​Ipinagtanggol ni Luis Manzano ang kaibigan niyang si John Lloyd Cruz tungkol sa kinasasangkutang kotrobersiya nito na may kinalaman sa pinagpipiyestahang viral videos ni Lloydie sa social media nang magbakasyon sila sa Cebu ni Ellen Adarna. Napanood daw ni Luis ang mga video na ito.
“Ang sa akin naman wala namang nakitang technically masama sa ginawa ni Lloydie. Kung ako personally, I would rather na hindi lumabas. Pero the point is buhay niya iyon. Ano ang ginagawa niyang masama? Totoo naman, ano ang ginagawa niyang masama? Wala naman, he was just enjoying himself, di ba? Nakikita ba natin na may ginagawa siyang droga, di ba?” sabi ni Luis sa video na nakitang tila lasing na lasing si John Lloyd.

May mga nagkukomento kasi na dapat ay maging role model si John Lloyd. Lalo pa nga’t sa isa pang video ay nag-dirty finger ito. “That I would understand. Kaya nga siguro, that’s why he apologized. Siguro Lloydie also apologized that he has followers na mga bata na it may seem a bad example. I would understand. Pero aminin niyo naman, ano ba iyong sobrang sama na ginawa ni Lloydie? Yung bad finger… ano yung alam niyo na ginagawa ng ibang artista na mas masama pa. Nagkataon lang. I’m not justifying. I mean, he will always have his fans and his followers na looking up to him. Nagkataon kasi he has this image na John Lloyd Cruz na very wholesome. Sila ni Bea (Alonzo), sila ni Sarah (Geronimo). May Home Sweetie Home (ABS-CBN sitcom) pa. And I understand the sentiments of some people. But at the end of the day, ano ba ang ginawang masama talaga ni John Lloyd Cruz?”
Nababasa niya rin daw ang iba’t ibang komento sa social media ng mga tao sa mga video ni John Lloyd. “Yung iba namang tao, I understand, nakikita ko yung ibang comments e. Some are truly concerned, and those are the people that we should truly appreciate. And there are some naman na gusto lang sumakay sa isyu.”
Nag-try ba si Luis na mag-reach out kay Lloydie pagkatapos lumabas ang controversial videos? “Hindi. Si Lloydie kasi… introvert iyang si Lloydie. He is one of those people I have faith in his decisions. I have faith kung paano niya i-handle yung buhay niya, yung career niya. So, ayoko nang makialam pa. Kasi I’m sure ang dami nang nag-i-input sa kanya e. So, kumbaga it’s more of I trust Lloydie. Naghalikan nga kami, hindi ko ba pagkakatiwalaan yun?”
Ang tinutukoy ni Luis na naghalikan sila ni Lloydie ay nangyari sa 2009 movie na In My Life, kung saan gumanap sila bilang lovers. Nakasama rin nila sa pelikula ang mommy ni Luis na si Star for All Seasons Vilma Santos.
Sa tingin ba ni Luis makakaapekto kay John Lloyd ang paglabas ng mga video na ito? “Hindi. Because I think such a simple video can not define John Lloyd Cruz as a man and as an actor. Yung iba naghahanap ng mali, yung iba diyan sumasakay lang. Alam mo ang ibang bashers diyan, 99 percent ng bashers maghahanap ng mali sa ibang tao to feel better about themselves. So, naghahanap sila, they scour social media, they scour your writeups. Pag may nahanap silang mali, ‘Ay, sasakyan ko ito. Iba-bash ko ito,’ to feel better about their failures. Yun lang yun.”