LIZA SOBERANO, papalit kay ANGEL LOCSIN bilang Darna?

By Lourdes Fabian

​SA kanyang Instagram account noong Martes ay nagpaalam na si Angel Locsin sa kanyang role bilang iconic komiks heroine, ang Darna. Sinabi ni Angel sa kanyang post na kailangan niyang i-prioritize ang kanyang kalusugan kaya kung sino man daw ang ipapalit sa kanya bilang Darna ng ABS-CBN ay ipinakiusap niyang ​

suportahan ng mga tao. Trending chika ngayon sa social media na gusto ng mga followers ni Liza Soberano na siya ang gumanap sa TV series ni Mars Ravelo na Darna. Katwiran nila ay bagay na bagay kay Liza ang Darna dahil mahusay din siyang umarte tulad ni Angel bukod pa sa magandang mukha, good figure at height kaya siya talaga ang perfect replacement for the role.  
Happy si Liza na siya ang gusto ng mga tao na gumanap bilang bagong Darna at excited din siya at flattered na siya ang napipisil ng marami bilang the next iconic Filipino Superhero.
“Ayoko naman ang tingin ng tao iisa lang ang kaya kong gawin kaya if the management gives me another project at bagong partner, bagong genre why not?” katwiran ni Liza. Kay Angel na rin nanggaling na may napili na ang Dos na kapalit niya pero wala pang final statement na inilalabas ang management.