Joshua Garcia may hugot sa buhay kaya mahusay umarte!

Ni John Fontanilla

​​Flattered ang Kapamilya teen actor na si Joshua Garcia sa papuring nakukuha niya kaugnay sa mahusay niyang performance sa pelikulang "Love You To The Stars and Back" kabituin ang kanyang ka-loveteam na si Julia Barretto.
Mahusay nga daw itong umarte dahil na rin sa dami ng pinagdaanan nito sa buhay na nagiging instrumento niya para mas makahugot sa bawat eksena sa nasabing pelikula.

Tsika nga ni Joshua nang nakausap namin sa block screening ng Love You To The Stars And Back, sa Fishermall VIP Cinema, sa Quezon City, noong September 5 na hatid ng kanyang BNY family sa pangunguna nina Ms Dina Shara Villanueva, Ms Denise Villanueva at Sir Mike Atienza sa imbitasyon ng kaibigang Arlene Amoroto, "Yung mga experiences ko sa buhay. At saka, yung pagiging in-character mo na rin.
"Kung makakuha man ako ng award diyan, ang saya ko.
"Pero hindi lang ako, kundi buong team, kasi [hindi] lang naman ako ang may ginawang magaling dun, e.
"Lahat kami nagtulung-tulong," pagtatapos ni Joshua.