DANIEL PADILLA-KATHRYN BERNARDO, umamin na mahal na nila ang isa't isa

Ni Lourdes Fabian

​​PAREHONG emotional sina Daniel Padilla at Kathryn Bernardo nang matanong kung ano ang mga hindi nila malilimutang eksena at memories sa nalalapit na pagtatapos ng Pangako Sa 'Yo" sa ginanap na thanksgiving press conference ng soap na ginanap sa 9501 restaurant ng ABS-CBN.

Sa matagal na pagsasama nila ni Daniel bilang magka-love team, malaki ang pasasalamat ni Kathryn dahil nakita niyang nag-mature silang dalawa nang magkasama. Sa nasabing teleserye nabuo ang kung anumang namamagitan sa kanilang dalawa.
Wala pa naman silang diretsang inaamin na sila na pero malaki ang pasasalamat ni Kathryn na naging parte ng buhay niya ang ka-love team at rumored boyfriend na si Daniel. Ang maganda sa kanila ngayon ay mas nagiging expressive na sila sa kanilang feelings kung ikukumpara sa mga naging interbyu nila noon. Si Daniel nga ay very honest sa kanyang nadarama para sa ka-love team na sabi nga niya ay mahal na niya. At maging si Kathryn ay umamin din na mahal na niya ang kapareha.
“Basta usapan namin ni DJ (palayaw ni Daniel), on or off-cam, importante iyong ipapakita namin sa kanila kung ano talaga. Kung ano iyong nakikita niyo ngayon, iyun na ‘yon. Grabe iyong care namin sa isa’t isa, sobrang importante, malaking parte na kami ng isa’t isa. Parang magnet na kaming dalawa, hindi mo maipaghihiwalay.
“Tinanggap ko siya as Daniel at tinanggap niya kung sino talaga ako. At natupad yung pangako na yun kasi na-realize ko nag-grow kami together kaya yun ang importante.”
Sa ngayon, wala naman daw objection ang ina ni Kathryn na si Min Bernardo sa namamagitan sa dalaga at sa kapareha. In fact, madalas nga ay kasama nila ito sa kanilang mga lakad.
Pangako ni Direk Dado Lumibao ay marami pang pasabog na mapapanood kaya huwag bibitaw hanggang sa finale episode ng Pangako sa February 12, 2016.
Ni Lourdes Fabian