BEA ALONZO, ipinalit ni JOHN LLOYD kay ANGELICA?

Ni Lourdes Fabian

​NILINAW ng aktor na si John Lloyd Cruz na hindi awards ang habol ng kanilang kampo sa kanyang pagharap sa pangalawang araw ng hearing sa Kongreso hinggil sa umano'y mga iregularidad sa MMFF kabilang ang pag-disqualify sa drama-thriller film na Honor Thy Father sa best picture category. Gusto lamang niyang mabigyan nang pagkilala ang pinaghirapang movie nila ng premyadong direktor na si Erik Matti.

Nabigo naman ang mga nag interbyung mga reporters na tanungin ang aktor ukol sa usap-usapang hiwalayan nila ni Angelica Panganiban. Pati ang bagong hairdo ni Angelica ay binibigyan ng kahulugan na kesyo malaking palatandaan na may pinagdaraanan ang dalawa. Itinuturong third party sa hiwalayan nina Lloydie at Angelica ang magaling na artistang ka-partner niya sa Star Cinema's blockbuster movie na Second Chance na si Bea Alonzo, na natsitsismis din na hiwalay na kay Zanjoe Marudo. Nananatiling tikom pa sa kasalukuyan ang mga bibig nina Lloydie at Angelica hinggil sa isyu although marami na ang nagkumpirma at nakakita sa dalawa as a couple kaya tiyak na isa sa mga araw na ito ay bibigyang linaw nila at sasagutin ang matunog na pinag-uusapang break up nila dahil nga kay Bea Alonzo.