ANGEL LOCSIN, super tanggi na namanhikan na si LUIS

Ni Lourdes Fabian

​MALAKING palaisipan pa rin hanggang ngayon kung sino ba talaga ang gaganap sa Pinoy superheroine na Darna dahil sa balitang kesyo ang original choice ng Star Cinema pa rin daw na si Angel Locsin ang gaganap kahit mismong si Angel na ang nagsabi on national TV na hindi na niya magagawa ang nasabing project because she developed a disc bulge in her spine. In fact, she underwent back surgery in Singapore last December 4. 

Lumulutang ang pangalan nina Nadine Lustre, Jessy Mendiola at pati si Miss Universe Philippines 2014 Mary Jean Lastimosa sa listahan ng gaganap bilang Darna.  
Nilinaw ni Angel na hindi pamamanhikan ang ginawa ng boyfriend niyang si Luis Manzano na kanyang ipinost, dalawang linggo na ang nakakaraan. 
Magkakasama ang pamilya ni Angel kabilang ang kanyang ama at kapatid, gayundin ang pamilya ni Luis partikular ang inang si Batangas Governor Vilma Santos at stepfather na si Senator Ralph Recto, tapos may caption pa ang pixs na "family meets family". 
"Naku, hindi po pamanhikan 'yun. Wala pa sa plano namin ni Luis ang magpakasal," paglilinaw ni Angel kaya siguro naman ay matitigil na ngayon ang sitsit na ikakasal na sila ni Luis.