Andrea Torres, tinalak-talakan daw ni Marian Rivera dahil sa selos!

Ni John Fontanilla

​​Umalis na sa bakuran ng Triple A Productions ang maganda, sexy at mabait na Kapuso actress na si Andrea Torres at ang Artist Center na ng GMA 7 ang solong humahawak ngayon sa kanyang career.
At ang rason daw ng pag alis ni Andrea sa Triple A ayon na rin sa balita ay ang sobrang selos dito ni Marian dahil ito ang leading lady ngayon ni Dingdong Dantes sa Alyas Robinhood. 

May insidente nga daw na tinalak-talakan ni Marian si Andrea kaugnay sa walang basehan nitong pagseselos sa maganda at seksing aktres. At dahil edukada ay di na lang daw pinatulan ni Andrea ang drama ni Marian at mga masasakit na salitang ipinukol sa kanya nito, bagkus ay nagdesisyon na lang na lisanin ang management na pareho nilang kinabibilangan ni Marian. 
After nga ng talakan incident ay mas pinili na lang ni Andrea na manahimik, pero may mga taong nakakaalam sa pangyayari at concerned kay Andrea na nagkuwento daw ng tunay na pangyayari.