Aldub, laos na raw pero, gagawa pa rin ng movie pagkatapos ng kanilang serye sa TV

Ni Veronica Samio

​Malaking gulo at intriga ang idinulot ng unang serye sa GMA ng Aldub nina Alden Richards at Maine Mendoza na Destined To Be Yours. Nagsimula ang gulo nang aminin mismo ng sumusulat ng kuwento ng serye na hindi pumatok ang mga naunang episodes ng serye na pinalagan ng Aldub Nation dahil wala aniyang karapatan na siraan ng manunulat ang sarili niyang kuwento sa TV. 

Sa galit nila ay gumawa sila ng petisyon para matanggal ito sa kanyang trabaho sa serye. Napayapa din sila sa pangako ng network na aaksyunan ang isyu at ang pagtanggi nito na mahina ang rating ng show kaya matsutsugi na ito. Sinabi ng isang ehekutibo ng GMA na matatapos ang DTBY sa panahon na itinakda para dito sa buwan ng Mayo at pagkatapos ay sisimulan na ng Aldub ang paggawa ng kanilang movie.