ALDEN RICHARDS, NAMAMAYAGPAG PA RIN

​​MAGALING sa pulso ang mga big boss ng TAPE, Inc. kaya't napaganda ang showbiz career ni Alden Richards. Sa Eat Bulaga napansin ang kanyang talento at bumagay ang loveteam nila ni Maine Mendoza. Naging mainit ang pangalan ni Alden. Patok at naibigan ng mga viewers ang Kalyeserye ng dalawa, maging ang mga advertisers ay nasiyahan sa Aldub.

Imagine, inabot ng isang taon ang portion nila sa Juan for All, All for Juan kung saan live napapanood ang Aldub. Blockbuster ang Imagine You & Me. Si Alden ay may mahalagang papel din sa Encantadia, bilang Mulawin. Nagpaplano na rin ang GMA 7 at ang APT Entertainment para bigyan ng sariling TV series ang dalawa. Patok din ang kanyang kanta sa second album. Huwag isnabin, marami pa rin siyang out of town shows at meron ding nakalinya sa abroad. Patunay na patuloy pa rin ang pamamayagpag ni Alden.
Ni Favatinni San