ALDEN AT MAINE LOVETEAM, DI KAYANG TIBAGIN

Ni Favatinni San

​​NAGING maingay ang isyu na nagkakamabutihan na sina Derrick Monasterio at Maine Mendoza. Alam naman natin kung gaano kaaktibo ang mga fans sa social media kaya naging usap-usapan agad ang pagkikita ng dalawa sa Subic (Olongapo City) nuong Valentine's Day.

Buti naman nagsalita agad si Derrick na wala pang isang minuto ang pagkikita nila ni Maine although nagkakilala na sila nuong maging panauhin sa Vampire Ang Daddy Ko si Maine. Masyadong possessive ang mga fans nina Alden at Maine. Kung sabagay, wala naman dapat ipagselos ang kanilang mga supporters. Oo naman, sila pa rin ang loveteam sa Kalyeserye ng Eat Bulaga na patuloy na tinututukan ng mga viewers. Sa katunayan, nakakuha sila ng award mula sa Anak Seal TV Awards para sa AlDub loveteam. 
Pararangalan din sila sa 47th Box-office Entertainment Awards ng Guillermo Mendoza Memorial Scholarship Foundation bilang Breakthrough Male and Female Star of the Philippine Movies and Television. Panalo rin ang EB bilang Most Popular TV Program, hinirang rin sina Vic Sotto at AiAi delas Alas na Box-office King and Queen. Maging sina Lola Nidora (Wally Bayola), Lola Tinidora (Jose Manalo) at Lola Tidora (Paolo Ballesteros) ng EB Kalyeserye ay recipients ng Bert Marcelo Lifetime Achievement Award at tatanggap rin ang EB ng special award para sa Highest Record Rating of All Time (local and global)- Eat Bulaga: Tamang Panahon nuong Oct. 24, 2015 sa Philippine Arena para sa naitala nilang 55% rating. 
Gaganapin ang GMMSF awards night sa April 17, 2016 sa Kia Theater sa Araneta Center, Cubao, Quezon City.